დანადგარები ხელსაწყოები

ავტოსერვისის გახსნა პროცესია, სადაც თითოეული დანადგარი და ხელსაწყო კონკრეტულ ამოცანას ემსახურება. სახელოსნოში, სადაც მძიმე კომერციული ტრანსპორტი შემოდის, მცირე, შეუსაბამო ან დაბალი ხარისხის აღჭურვილობა სამუშაო პროცესს აფერხებს, ხანდახან კი საერთოდ აჩერებს მას.

K-Motors-ის ასორტიმენტი ამ მიმართულებით ორ მთავარ ჯგუფად იყოფა: ავტოსერვისის მძიმე დანადგარები და ხელის ხელსაწყოები. თითოეულს თავისი ადგილი და დანიშნულება აქვს.

ამწეები, პრესები და სხვა მძიმე დანადგარები

ავტოსერვისში ერთ-ერთი ძვირადღირებული და ამავდროულად, ყველაზე გამოყენებადი დანადგარი ამწეა. მის გარეშე სავალი სისტემის მდგომარეობის სწორედ შეფასება და გამართვა რთულია. K-Motors-ის ფილიალებში გვხვდება სხვადასხვა სიმძლავრისა და ძაბვის ამწეები, როგორც მსუბუქი, ასევე სატვირთო ავტომობილებისათვის. 

საბურავის შეცვლისას კი ორი დანადგარია საჭირო: საბურავის შემცვლელი აპარატი და ბალანსირების მოწყობილობა. ეს ორი ერთად მუშაობს. საბურავის გამოცვლის შემდეგ ბალანსირება სავალდებულო ეტაპია, განსაკუთრებით კომერციული ტრანსპორტისთვის, სადაც ბორბლის დაუბალანსებლობა პროტექტორის ნაადრევ ცვეთასა და საჭის ვიბრაციას იწვევს. K-Motors-ში გვხვდება როგორც მსუბუქი და მიკროავტობუსის, ასევე სატვირთოს და ტრაილერის საბურავების დამშლელ-ამწყობი და ბალანსირების აპარატები.

პრესის დანადგარი  განსხვავებული კატეგორიაა. ის მორგვების, საკისრების, მილისებისა და სხვა დეტალების ჩასაპრესად გამოიყენება. 

ძრავში ზეთის შეცვლისას მნიშვნელოვანია ძველი ზეთის სრულად ამოღება, რასაც თანამედროვე ზეთის ამომღები აპარატი ეფექტურად და უსაფრთხოდ უზრუნველყოფს.

ხელის ხელსაწყოები

ხელის ხელსაწყოები მექანიკოსის ყოველდღიური სამუშაო გარემოს ნაწილია. გასაღებების კომპლექტი, ფილტრის მოსახსნელები – ყველა ამ ხელსაწყოს სიზუსტე და სიმტკიცე უშუალოდ სამუშაოს ხარისხზე აისახება.

ფილტრის მოსახსნელი, ერთი შეხედვით, მარტივი ხელსაწყოა, მაგრამ მნიშვნელოვანია სწორი ზომის შერჩევა.  ზომა კი, თავის მხრივ, ფილტრის ტიპზეა დამოკიდებული. შეუსაბამო მოსახსნელი ხშირად ფილტრის კორპუსს აზიანებს.

ქანჩის გასაღებების კომპლექტი სახელოსნოს ძირითადი ინსტრუმენტია. 

თავაკები ცალკე სისტემაა. 1/4 პატარა, 3/8 საშუალო და 1/2 დიდი ქანჩის გასაღების კომბინაცია სხვადასხვა სიმჭიდროვის ჭანჭიკებთან სამუშაოდ სხვადასხვა ბერკეტს იძლევა. 7მმ-დან 14მმ-მდე მოიცავს ძირითად სპექტრს, რომელიც ყოველდღიური სერვისისთვისაა საჭირო.