საბურავები

ზამთარში ავტომობილით გზაზე გადაადგილება ყოველთვის მეტად სახიფათოა, ვიდრე სხვა სეზონებზე. ტემპერატურა საბურავის ფუნქციებს ფუნდამენტურად ცვლის, რადგან მისი რეზინი სწორედ ამ მახასიათებელზეა დამოკიდებული. 7 გრადუსს ქვემოთ, საზაფხულო საბურავი მაგრდება და კარგავს მოქნილობას, შედეგად კი ზედაპირთან კონტაქტი სუსტდება. 

საქართველოში ეს პარამეტრი კანონმდებლობაშიც შევიდა. 2024 წლიდან მოქმედი დადგენილების მიხედვით, 1 დეკემბრიდან 1 მარტამდე, კონკრეტულ საავტომობილო გზებზე მოძრაობა ზამთრის საბურავების გარეშე აკრძალულია. ეს ეხება ს-3-ს (მცხეთა-სტეფანწმინდა), ს-8-ს (ხაშური-ახალციხე-ვალე), ს-6-ს (ფონიჭალა-მარნეული-გუგუთი) და სხვა მაღალმთიან მონაკვეთებს. შეუსაბამობის შემთხვევაში, პოლიცია უფლებამოსილია მძღოლს ამ მონაკვეთებში შესვლა აუკრძალოს ან, განსაკუთრებულ შემთხვევაში, სატრანსპორტო საშუალება დროებით გადაიყვანოს სპეციალურ სადგომზე.

რა განასხვავებს ზამთრის საბურავს?

ზამთრის საბურავს განსხვავებული კომპოზიცია აქვს – დაბალ ტემპერატურაზე მოქნილი რჩება, განსხვავებით მისი ზაფხულის ანალოგისგან. გარდა კომპოზიციისა, მას უფრო ღრმა და განიერი ღარები (პროტექტორი) აქვს. ეს ღარები თოვლსა და წყალს აისხლიტავს, ასფალტთან კი ბორბლის კონტაქტს ინარჩუნებს. 

ზაფხულის საბურავები პირიქით, გამყარებული კომპოზიციისაა. სიცხეში ეს მათი უპირატესობაა – ასფალტზე მკვეთრი კონტაქტი, სტაბილური მართვა, ოპტიმალური ცვეთა. ზამთარში კი იგივე სიმყარე პრობლემად იქცევა. 

როგორ ამოვიცნოთ ზამთრის საბურავი?

K-Motors-ის კატალოგში წარმოდგენილ ზამთრის საბურავებზე ფიფქის სიმბოლო და სპეციალური ICEPOWER 989 პროტექტორი გვხვდება, რაც ნიშნავს, რომ საბურავი თოვლიანი და მოყინული გზისთვის არის განკუთვნილი. 

სიმბოლოს გარდა, მნიშვნელოვანია პროტექტორის სიღრმე: M1 და N1 კატეგორიებისთვის (ჩვეულებრივი სამგზავრო ავტომობილები და მსუბუქი სატვირთო) კანონი მინიმუმ 3 მმ-ს ითხოვს, M2 და M3 კატეგორიებისთვის კი – 4 მმ-ს. საბურავის ასაკი ასევე შეზღუდულია: წარმოებიდან 10 წელზე მეტი ხნის საბურავი, მიუხედავად გარეგნული მდგომარეობისა, ავტომატურად შეუსაბამოდ ითვლება.

როგორ შევინახოთ საბურავები ზამთრის შემდეგ?

ზამთრის საბურავების k-motors.ge-ზე შეძენისა და დამონტაჟების შემდეგ ერთი პრაქტიკული საკითხი, ჰაერის წნევაა გასათვალისწინებელი. ტემპერატურის ვარდნასთან ერთად, საბურავში წნევაც ვარდება – დაახლოებით 0.1 ბარი ყოველ 10 გრადუსზე. ამ ცვლილებას მძღოლები ხშირად ვერ ამჩნევენ, თუმცა წნევა პროტექტორის ნაადრევ ცვეთასა და მართვის სიზუსტის დაქვეითებას იწვევს. სწორი მაჩვენებელი სატრანსპორტო საშუალების სახელმძღვანელოშია მითითებული – ეს რიცხვი მოდელის მიხედვით განსხვავდება და საბურავზე დაბეჭდილ მაქსიმალურ მაჩვენებელს არ ემთხვევა.

გაზაფხულზე კი საბურავების შესანახადაც სათანადო პირობების გათვალისწინებაა საჭირო: სუფთა, მშრალი სივრცე, პირდაპირი მზის სხივების გარეშე. ამ პირობის დაცვა საბურავის გამოყენების ვადას ახანგრძლივებს, მომდევნო სეზონზე ბალანსირების საჭიროებას კი ამცირებს.

ზამთრის ახალი საბურავები K-Motors-ში განვადებითაც არის ხელმისაწვდომი. სეზონამდე სწორად მომზადება გზაზე უსაფრთხოების გარანტიაა.