პაროლის აღდგენა
კოდი გამოგზავნილია ნომერზე
*კოდი არასწორია ან ვადა გაუვიდა. შეგიძლიათ მოითხოვოთ ახალი კოდი.
პაროლი წარმატებით განახლდა
თანამედროვე ავტომობილი ასობით სენსორით, ელექტრონული მართვის ბლოკებითა და ურთიერთდაკავშირებული სისტემებითაა მოწყობილი. ძრავა, გადაცემათა კოლოფი, სამუხრუჭე სისტემა, საწვავის მიწოდება, აირბაგი – ეს ყველაფერი ერთმანეთთან კავშირშია. სწორედ ამ სიმრავლის გამო ელექტრო ხარვეზი ხშირად ისეთ ადგილას ვლინდება, სადაც გარეგნული დათვალიერება საკმარისი არ არის. მხედველობით ხილული დაზიანება ან გამოცდილი თვალი ამ შემთხვევაში არ მუშაობს.
Check Engine ნათურის ანთება ყველაზე გავრცელებული სიგნალია, რომელსაც ბევრი მძღოლი უგულებელყოფს. ეს ნათურა კი OBD-II-ის, ავტომობილის ჩაშენებული დიაგნოსტიკური სისტემის, სიგნალია. სისტემა მართვის ბლოკში პრობლემის კოდს ინახავს და ელოდება, რომ ტექნიკოსმა სკანერით წაიკითხოს. ზოგ შემთხვევაში ნათურა დროებით ქრება, მაგრამ ეს პრობლემის გაქრობას არ ნიშნავს, კოდი მაინც ინახება.
Check Engine-ის გარდა, სხვა სიმპტომებიც საყურადღებოა. თუ ავტომობილი ძნელად იქოქება, ფარები ციმციმებს ან სუსტდება, ABS ან Airbag სისტემა შეცდომას აჩვენებს ან სალონის ელექტრო მოწყობილობები ნორმალურად არ მუშაობს – ეს სიმპტომები ხშირად აკუმულატორს, გენერატორს, სტარტერს ან გაყვანილობის დაზიანებას უკავშირდება. ასეთ შემთხვევაში ავტომობილის კომპიუტერული დიაგნოსტიკა ეხმარება ტექნიკოსს, გამოიკვლიოს, საიდან იწყება პრობლემა და სად ფიქსირდება ხარვეზი.
საწვავის ხარჯის გაზრდა, ავტომობილის არასტაბილური მუშაობა ან მოულოდნელი გაჩერება გზაზე – ეს სიმპტომებიც ელექტრო სისტემასთან შეიძლება, იყოს კავშირში. ამ შემთხვევებში ადრეული შემოწმება ნიშნავს, რომ პრობლემა გამოვლინდება იქამდე, სანამ ის სხვა სისტემებზეც გავრცელდება.
მანქანის კომპიუტერული დიაგნოსტიკა OBD სკანერის მიერთებით იწყება. სკანერი კითხულობს DTC-ს, Diagnostic Trouble Code-ს, ანუ შეცდომის კოდს, რომელიც ავტომობილის მართვის ბლოკში ინახება. ეს კოდი ტექნიკოსს ეუბნება, რომელ სისტემაში ფიქსირდება ხარვეზი. კოდი ოთხ კატეგორიად იყოფა: შეცდომის კოდის პირველი ასო მიუთითებს სისტემის ძირითად ჯგუფზე: P – ძალოვანი აგრეგატი, B – კორპუსისა და სალონის სისტემები, C – შასი და U – მართვის ბლოკებს შორის კომუნიკაცია. შემდეგი სიმბოლოები მიუთითებს კოდის ტიპსა და კონკრეტულ გაუმართაობაზე.
სწორედ ესაა ყველაზე ხშირი გაუგებრობა. ერთი და იმავე კოდის უკან რამდენიმე განსხვავებული მიზეზი შეიძლება, იყოს – სენსორი, კონტაქტი, გაყვანილობის გაწყვეტა ან მართვის ბლოკი. ამ ეტაპზე საჭიროა სისტემატური, ეტაპობრივი შემოწმება. მხოლოდ ასე ვლინდება, კოდის უკან კონკრეტულად რა დგას.
ეს განსხვავება, კოდსა და რეალურ მიზეზს შორის, ყველაზე ხშირი მიზეზია, რის გამოც ავტომობილის მფლობელი ზედმეტ ნაწილს ცვლის. ხარვეზი კი, მიუხედავად ჩანაცვლებისა, რჩება. K-Motors-ის სერვის-ცენტრში კოდის ანალიზი და შემდგომი შემოწმება ერთ პროცესში ერთიანდება – ძიება კოდის წაკითხვით იწყება, მაგრამ მხოლოდ მაშინ მთავრდება, როდესაც მიზეზი ცალსახა ხდება.
კომპიუტერული დიაგნოსტიკა K-Motors-ში მოიცავს OBD სკანერით შეცდომის კოდების წაკითხვასა და გაშიფვრას, Check Engine-ის მიზეზის დადგენას, ABS, Airbag და ESP სისტემების შეცდომების შემოწმებას, სენსორების ტესტირებასა და გაყვანილობის დიაგნოსტიკას.
მანქანის ელექტრიკოსი პარალელურად ამოწმებს ელექტრო სისტემის სხვა კომპონენტებს: აკუმულატორს, გენერატორს, სტარტერს, ელექტრო წრედებსა და კავშირებს. თუ გამართვა საჭიროა, ნაწილის შერჩევა და შეცვლა ასევე ერთ ვიზიტშია შესაძლებელი. K-Motors-ში ორიგინალური და პრემიუმ ხარისხის სათადარიგო ნაწილები ადგილზეა, ამიტომ ნაწილის ძებნა ავტომობილის მფლობელს ცალკე არ უწევს.
ავტომანქანის ელექტრიკოსი ასევე მუშაობს გაყვანილობის დაზიანებების აღმოჩენაზე. ეს განსაკუთრებით მნიშვნელოვანია ისეთ ავტომობილებში, სადაც ელექტრო ხარვეზი პერიოდულად ვლინდება და ქრება. ასეთ შემთხვევაში საჭიროა რეალურ დროში მონაცემების დაკვირვება, გაყვანილობის შემოწმება და ელექტრული გაზომვები.
გარდა ამისა, ელექტრო სისტემის შემოწმება მხოლოდ ხარვეზის გამოვლენის შემდეგ არ არის საჭირო. მაგალითად, აკუმულატორის წარმადობა ასაკთან ერთად მცირდება, თუმცა მისი რესურსი ექსპლუატაციის პირობებზე, ტემპერატურაზე, აკუმულატორის ტიპსა და დამუხტვის სისტემის გამართულობაზეა დამოკიდებული. რამდენიმე წლის გამოყენების შემდეგ მისი პერიოდული ტესტირება განსაკუთრებით მნიშვნელოვანია.
K-Motors 2011 წლიდან მუშაობს. დღეს კომპანია თბილისში, ქუთაისსა და ბათუმში ექვს ფილიალს ითვლის და 37 000-ზე მეტ მომხმარებელს ემსახურება.
თითოეულ სერვის-ცენტრში თანამედროვე დიაგნოსტიკური დანადგარებია – ის, რაც ელექტრო სისტემის ზუსტ შემოწმებას შესაძლებელს ხდის. სამუშაოს შემდეგ გარანტია ვრცელდება როგორც შესრულებულ სამუშაოზე, ასევე გამოყენებულ ნაწილებზე. ხარისხი და გარანტია ავტომობილის მფლობელს ერთ სივრცეში ხვდება.
თბილისი, ქუთაისი და ბათუმი – აირჩიეთ თქვენთვის ყველაზე ახლოს მდებარე სერვის-ცენტრი.
ოპერაცია წარმატებით შესრულდა
უკაცრავად დაფიქსირდა შეცდომა
