როდესაც მანქანა არ იქოქება და მხოლოდ უცნაური (წკაპუნის) ხმა ისმის, პრობლემა აკუმულატორში უნდა ვეძებოთ. ეს ის შემთხვევაა, როდესაც ნაჩქარევი გა,დაწყვეტილება ყველაზე ძვირი ჯდება.

მანქანის აკუმულატორი ელექტროსისტემის საფუძველია. მისი მთავარი ფუნქცია ძრავის გაშვება და გენერატორის ამუშავებამდე, სხვადასხვა ელექტრო კომპონენტების კვებაა. ავტომობილი რომ მუშაობს, გენერატორი აკუმულატორს ხელახლა ტენის. საშუალოდ აკუმულატორი 3-დან 5 წლამდე მუშაობს კლიმატის, გამოყენების ინტენსივობისა და ელექტრო სისტემის მდგომარეობის მიხედვით.  სწორი პროდუქტის შესარჩევად კი აუცილებელია ვიცოდეთ ის 5 მთავარი კრიტერიუმი, რომლებსაც ყურადღება უნდა მივაქციოთ. 

ჯგუფის ზომა – პირველი ნაბიჯი

Group Size, ანუ ჯგუფის ზომა, აკუმულატორის სიგრძეს, სიგანეს, სიმაღლესა და ტერმინალების განლაგებას განსაზღვრავს. ყველა ავტომობილს კონკრეტული ზომა სჭირდება და ეს მანქანის მწარმოებლის მიერ არის დადგენილი. ზოგიერთ ავტომობილს ერთზე მეტი ჯგუფი ერგება, ამიტომ სახელმძღვანელოს ყოველთვის გადამოწმება სჭირდება. 

ზომის შეუსაბამობა პრაქტიკულად ნიშნავს, რომ ახალი აკუმულატორი ფიზიკურად ვერ მოთავსდება განყოფილებაში,  კარგად არ დაფიქსირდება და მოძრაობისას ვიბრაცია მის ფირფიტებს დააზიანებს. გარდა ამისა, მნიშვნელოვანია პოლარობა: თუ „პლუსი“ და „მინუსი“ პირიქითაა განლაგებული, კაბელები ტერმინალებს ვერ მიწვდება. 

ამიტომ, ყიდვამდე ყოველთვის უნდა შემოწმდეს მფლობელის სახელმძღვანელო. იქ წერია, რომელი ჯგუფია თქვენს მანქანაზე გათვლილი. 

ცივი გაშვების ამპერები (CCA) - სტაბილურობა ზამთარში

იჩვენებს, თუ რამდენ ამპერს გამოიმუშავებს აკუმულატორი -18°C ტემპერატურაზე 30 წამის განმავლობაში ისე, რომ ძაბვა კრიტიკულ ზღვარს ქვემოთ არ დაეცეს. ეს ის ძალაა, რომელიც ძრავის დაქოქვას ზამთარშიც უზრუნველყოფს. დაბალ ტემპერატურაზე ელექტროლიტი ნელდება, აკუმულატორი კი ორჯერ მეტ ძალისხმევას საჭიროებს. 

რაც უფრო მაღალია ეს მაჩვენებელი, მით უფრო სანდოა ქცევა დაბალ ტემპერატურაზე. ახალი აკუმულატორის CCA არ უნდა იყოს ნაკლები, ვიდრე ქარხნულის და ამ წესის არსებობას გარკვეული მიზეზები აქვს. 

ახალი ბატარეის CCA მაჩვენებელი არავითარ შემთხვევაში არ უნდა იყოს იმაზე ნაკლები, რაც ქარხნულად არის გათვალისწინებული. გაითვალისწინეთ, რომ დიზელის ძრავებს, მათი მაღალი კომპრესიის გამო, გაცილებით მაღალი CCA სჭირდებათ, ვიდრე ანალოგიური მოცულობის ბენზინის ძრავებს. 

სარეზერვო ტევადობა (Reserve Capacity) 

Reserve Capacity (RC) გვიჩვენებს, თუ რამდენ წუთს გაძლებს აკუმულატორი დამოუკიდებლად, თუ გენერატორი (დინამო) მწყობრიდან გამოვა. ეს ციფრი წუთებში იზომება და იმასთანაა დაკავშირებული, თუ რამდენ ხანს შეძლებთ გზის გაგრძელებას გაუთვალისწინებელ სიტუაციაში.

თუ ღამით, შუა გზაზე გენერატორი გაფუჭდა,  სწორედ RC პარამეტრზეა დამოკიდებული, რამდენი წუთის განმავლობაში შეძლებს ბატარეა ფარების, საქარე მინის საწმენდებისა და ბორტ-კომპიუტერის კვებას, სანამ მანქანა საბოლოოდ ჩაქრება. RC-ის მაჩვენებელი ეტიკეტზე წუთებშია მითითებული, რაც მეტია რიცხვი, მით გრძელი სარეზერვო პერიოდი გაქვს.

აკუმულატორის ტიპი – AGM, EFB თუ სტანდარტული

აკუმულატორის ტიპი ბევრი მყიდველისთვის ბოლომდე გაუგებარი რჩება, მაგრამ პასუხი სინამდვილეში მარტივია. ტიპი განსაზღვრავს, თუ რა სახის დატვირთვასთან გამკლავება შეუძლია აკუმულატორს. შეცდომა ამ საკითხში ყველა სხვა სწორი კრიტერიუმის გათვალისწინებას გაანეიტრალებს. 

თანამედროვე ბაზარზე ტექნოლოგიის მიხედვით სამი ძირითადი ტიპი გვხვდება: 

• სტანდარტული (Lead-Acid): სტანდარტული Lead-Acid აკუმულატორი ყველაზე გავრცელებული ვარიანტია. ძველი კომპლექტაციის, ზომიერი ელექტრო დატვირთვის მქონე ავტომობილებისთვის ის კარგად მუშაობს. AGM სულ სხვა გამოწვევებისთვისაა შექმნილი. თანამედროვე ავტომობილებში, სადაც Stop/Start სისტემაა და ელექტრო კომპონენტების ჩამონათვალი გრძელია, AGM-ია საჭირო. ის განმეორებით განმუხტვა-დამუხტვის ციკლებს ბევრად უფრო ადვილად იტანს. AGM შემთხვევით ჩამოვარდნილ განმუხტვასაც უფრო ადვილად გადაიტანს და სრულ მოქმედებას სწრაფად დაუბრუნდება. გარეგნულად ეს ორი ტიპი ერთნაირია, მუშაობის ლოგიკით კი სრულიად განსხვავდება.

• EFB (Enhanced Flooded Battery): ეს არის გაძლიერებული თხევადი ბატარეა. ის ჩვეულებრივზე ბევრად უკეთ უძლებს ხშირ განმუხტვას და გამოიყენება საწყისი დონის Start-Stop სისტემის მქონე მანქანებში. 
• AGM (Absorbent Glass Mat): უმაღლესი ტექნოლოგია, სადაც ელექტროლიტი მინის ბოჭკოვან ფირფიტებშია შეწოვილი. იგი განკუთვნილია უახლესი, "ჭკვიანი" Start-Stop სისტემებისა და დიდი რაოდენობით ელექტროობის მქონე (სავარძლების გათბობა, მონიტორები, პრემიუმ აუდიო) ავტომობილებისთვის. 

წარმოების თარიღი და საგარანტიო  პირობები

აკუმულატორის ყიდვამდე აუცილებელია, წარმოების თარიღი შეამოწმოთ. ეტიკეტზე ასოებისა და ციფრებისგან შედგენილი კოდია – ასო თვეს, ციფრი კი წელს გვიჩვენებს. მაგალითად, A9 ნიშნავს 2009 წლის იანვარს. ყველაზე ახალი ვარიანტის შეძენა ყველაზე გონივრული არჩევანია. K-Motors-ის სპეციალისტები სწორი პროდუქტის შერჩევაში მარტივად დაგეხმარებიან. 

გარანტიის პირობებიც აუცილებლად უნდა შეამოწმოთ: მნიშვნელოვანია, რა ვადაა გათვლილი უფასო შეცვლაზე და რა – გადახდილ საგარანტიო სერვისზე. ზოგიერთ შემთხვევაში, გარანტია პრიორიტებულია, ანუ ვადის გასვლის შემდეგ ნაწილობრივ ანაზღაურება ხდება – ეს პირობა ყოველთვის საყურადღებოა. ასევე გაითვალისწინეთ, რომ გაუმართავ ელექტრო სისტემაზე დამონტაჟებული აკუმულატორი გარანტიას ყველა შემთხვევაში ვერ ექვემდებარება.

რა ხდება გამუართავი ელექტრო სისტემის შემთხვევაში?

ახალი აკუმულატორი გაუმართავ ელექტრო სისტემაში ისევე ვერ იმუშავებს, როგორც ძველი. თუ მანქანის გენერატორი ან სხვა ელექტრო კომპონენტი პრობლემურია, ახალი ბატარეა სწრაფად ამოიწურება. შედეგად, ადამიანი ვარაუდობს, რომ ახალი აკუმულატორი არ გამოდგა შესაფერისი, სინამდვილეში კი პრობლემა სხვაგანაა.

ამიტომ, ელექტრიკოსი და კომპიუტერული დიაგნოსტიკა აკუმულატორის ყიდვამდე ან ყიდვის პარალელურად მნიშვნელოვანი სერვისია. ეს ნაბიჯი ხელს უშლის იმას, რომ ახალი ბატარეა ძველი პრობლემის გამო მალე გაფუჭდეს. გამოდის, რომ სწორი აკუმულატორის შერჩევა ყოველთვის მხოლოდ პროდუქტის შეძენა არ არის. 

K-Motors-ის ფილიალებში აკუმულატორის შეძენა და მონტაჟი ერთ სივრცეში ხდება. გარანტია მონტაჟის დღიდან ითვლება, თუ დამონტაჟება K-Motors-ის სერვისცენტრში მოხდება.