პაროლის აღდგენა
კოდი გამოგზავნილია ნომერზე
*კოდი არასწორია ან ვადა გაუვიდა. შეგიძლიათ მოითხოვოთ ახალი კოდი.
პაროლი წარმატებით განახლდა
დიზელის ძრავის გამართული მუშაობა რამდენიმე ურთიერთდაკავშირებულ სისტემაზეა დამოკიდებული, მათ შორის: საწვავის მიწოდებაზე, მაღალი წნევის ტუმბოზე, ფილტრებზე, სანთლებსა და DPF/FAP (ჭვარტლის) ფილტრზე.
ერთ კომპონენტში წარმოქმნილმა მცირე ხარვეზმაც კი შეიძლება იმოქმედოს ძრავის საერთო სიმძლავრესა და საწვავის ხარჯზე. სწორედ ამიტომ, შეკეთებამდე მნიშვნელოვანია დაზიანების ზუსტი მიზეზის დადგენა.
გსურთ გაიგოთ მეტი K-Motors-ის ავტოსერვისის შესახებ? ეწვიეთ ჩვენს ოფიციალურ გვერდს.
K Motors-ის სერვისებში დიზელის მიმართულება მოიცავს კომპლექსურ მომსახურებას:
ტუმბოების შემოწმება და აღდგენა: საწვავის მიწოდების სისტემის სრული დიაგნოსტიკა.
DPF/FAP ფილტრის მომსახურება: გამონაბოლქვის სისტემის შემოწმება და გაწმენდა/რეგენერაცია.
დიზელის სანთლები: ხურების სანთლების (Glow Plugs) შემოწმება და შეცვლა.
ძრავის დიაგნოსტიკა და კომპრესია: ძრავის ცილინდრებში კომპრესიის გაზომვა და კომპრესორული/მექანიკური მდგომარეობის შეფასება.
გამოცდილი დიზელის ხელოსანი პირველ ეტაპზე ზუსტად აფასებს, რომელ კონკრეტულ სისტემას უკავშირდება პრობლემა – საწვავის მიწოდებას, ჰაერის მიწოდების სისტემას თუ გამონაბოლქვის ფილტრაციას.
დიზელის ძრავის მუშაობაში ცვლილება (არასტაბილური სვლა, კვამლიანობა, სიმძლავრის დაკარგვა ან დაქოქვის გაძნელება) ყოველთვის ერთ კონკრეტულ დაზიანებაზე არ მიუთითებს. მსგავსი სიმპტომი შეიძლება, სხვადასხვა მიზეზმა გამოიწვიოს.
K-Motors-ში ნებისმიერი სამუშაო დიაგნოსტიკით იწყება. ასეთი თანმიმდევრობა გამორიცხავს ვარაუდებით ნაწილების შეცვლას და ზოგავს დროსა და ფინანსებს, განსაკუთრებით მაშინ, როცა ხარვეზის მიზეზი, ერთი შეხედვით, აშკარა არ არის.
საწვავის ტუმბო: დიზელის სისტემის მთავარი ელემენტი საწვავის ტუმბოა, რომელიც პასუხისმგებელია საჭირო წნევის შექმნაზე. გამოცდილი დიზელის ძრავის ხელოსანი შემოწმებისას ადგენს, რამდენად სტაბილურად ინარჩუნებს სისტემა წნევას და საჭიროებს თუ არა ტუმბო რეგულირებას ან შეკეთებას.
DPF/FAP ფილტრი: DPF/FAP ფილტრი გამონაბოლქვის სისტემის საკვანძო ნაწილია. მისი გაჭედვა იწვევს საწვავის ხარჯის მკვეთრ მატებას. ფილტრის მდგომარეობის შეფასების შემდეგ ირკვევა, საკმარისია თუ არა მისი გაწმენდა/აღდგენა.
დიზელის სისტემა განსაკუთრებით მგრძნობიარეა საწვავის ხარისხისა და სისუფთავის მიმართ. დროული და ხარისხიანი ფილტრაცია იცავს ტუმბოსა და ინჟექტორებს დაზიანებისგან.
K-Motors-ის პროდუქციაში ხელმისაწვდომია ავტომობილის ფილტრები სხვადასხვა მოდელებისთვის, მათ შორის პოპულარული კომერციული ტრანსპორტისთვის:
სწორად შერჩეული ფილტრი უზრუნველყოფს საწვავის სისტემის ხანგრძლივ და შეუფერხებელ მუშაობას.
K Motors მსუბუქ ავტომობილებთან ერთად აქტიურად ემსახურება კომერციულ ტრანსპორტსაც. კომერციული ავტომობილისთვის ნებისმიერი უმოქმედო დღე ფინანსური დანაკარგია, ამიტომ პრობლემის სწრაფი და ზუსტი აღმოჩენა კრიტიკულად მნიშვნელოვანია.
სერვისის პროცესში ჯერ ზუსტად დგინდება გაუმართაობის მიზეზი, ხოლო შემდეგ იგეგმება კონკრეტული ნაწილის შემოწმება, აღდგენა ან შეცვლა. საჭირო ნაწილები K-Motors-ის პროდუქციაში ერთიანდება.
დაზოგეთ დრო და უზრუნველყავით თქვენი ავტომობილის გამართული მუშაობა!
K Motors გთავაზობთ სრულ ტექნიკურ მომსახურებას თანამედროვე, პროფესიონალურად აღჭურვილ სერვის-ცენტრებში. ჩვენი ბოქსები აღჭურვილია უახლესი დიაგნოსტიკური და შემოწმების დანადგარებით, ხოლო სამუშაოებს ასრულებენ მაღალი კვალიფიკაციის სპეციალისტები.
K-Motors 2011 წლიდან მუშაობს. დღეს კომპანია თბილისში, ქუთაისსა და ბათუმში ექვს ფილიალს ითვლის და 37 000-ზე მეტ მომხმარებელს ემსახურება.
K-Motors-ში ორიგინალური და პრემიუმ ხარისხის სათადარიგო ნაწილები ადგილზეა, ამიტომ ნაწილის ძებნა ავტომობილის მფლობელს ცალკე არ უწევს.
სამუშაოს შემდეგ გარანტია ვრცელდება როგორც შესრულებულ სამუშაოზე, ასევე გამოყენებულ ნაწილებზე. ხარისხი და გარანტია ავტომობილის მფლობელს ერთ სივრცეში ხვდება.
თანამედროვე დანადგარები და კომპიუტერული დიაგნოსტიკა
მაღალი კვალიფიკაციის ხელოსნები
სწრაფი და ხარისხიანი მომსახურება
ორიგინალი და პრემიუმ ხარისხის სათადარიგო ნაწილები
დაბალი ფასები და გარანტია შესრულებულ სამუშაოებზე
ოპერაცია წარმატებით შესრულდა
უკაცრავად დაფიქსირდა შეცდომა
